香港新浪網 MySinaBlog
« 上一篇 | 下一篇 »
AlexBB | 20th Oct 2013 | All About Leisure | (808 Reads)
對不起,原本一直希望昨日寫一寫讓大家可以標尾會,奈何無精神,所以,此篇只能夠為無去過的朋友得個『恨』字。你,知不知道灣仔茂羅街翻生了一幢舊樓,成為動漫基地?此乃藝術中心與市建局的合作,目的當然是推廣香港動漫啦!

一直知道此中心的開幕,其實亦跟寫字樓很近,但一直沒有時間或者忘記了。終於,上星期五下班後,跑去看他們打頭炮的展覽:馬榮成:一個英雄的誕生。雖然,我,真係,唔睇佢既漫畫。

你又會問:唔睇你去做乜?各位朋友,世界上有好多東西你都未接觸過或者無興趣,但,若果,有免費入場機會,展覽是絕對值得一看,況且,此活化建築物,實在很美,真的要去一去!




左右兩排建築物以天橋連成,一邊乃展館,另一邊外牆有四部大電視,正播馬Sir如何畫出每個經典人物。當然,展館地下呢個步驚雲,喂我唔睇漫畫都識佢啦!



建築物內裡仍然保存舊有特色,二樓(一樓乃皇后餐廳)除左有馬Sir figure乙個,仲有好多漫畫睇,仲有教你畫漫畫與及相關情景語氣印仔。





三樓,盡是精品,周邊展品,Figures,畫作等等,馬Sir支持者肯定開心到不得了。行畢三樓,請勿直接行樓梯上四樓,因為有一玻璃門一推,就可走向另一邊建築物,無展覽,但有好Mood,再行,就是上四樓的露天長廊!





肯定成為好多影相發燒友另一理想囉景地點!


四樓乃屬天台位置,不是露天,只展出馬Sir重要生平。

好,既然錯過了,又如何呢?根據官網,十一月中將有另一展覽。我不清楚此館無展覽會否開放,但可以肯定,星期一休館。當然,若果你想去樓下間小克精品店買野,天天都開放的。 

 

 

Related Posts Plugin for WordPress, Blogger...