香港新浪網 MySinaBlog
« 上一篇 | 下一篇 »
AlexBB | 28th Nov 2011 | All About Leisure | (1481 Reads)
有件事我本應更早寫,因為對到台灣的朋友來說是重要的:我這次一落機立即走去台灣大哥大的檔口,立即買一張五天上網上到飽加幾百蚊台幣面值電話咭!你知嘛,在台北能上Google Map就能四處去,所以能夠上網是很重要的,還有,店員很有心的幫我的iPhone換新咭並收好舊咭,最重要是,五天任上網的電話咭,只需五百台幣,即百三四蚊港紙,係咪好抵先!

這個題目是否無乜吸引力?我唔會寫行貨啦,你地睇左先啦!

行街買野從來不是我杯茶,所以,今次第一站,是火車站近新光三越十三樓的展館--可口可樂一百廿五周年紀念館,對唔住,十一月廿日已經完結,不過值得介紹:




 

不同年袋的紀念可樂樽,點會無展出?


不同年代聖誕宣傳海報產品亦無缺少!



不同年代的玩具紀念品,真的那些年--果個搖搖,當年你有冇呀?

其實仲有好幾個拍照景點,不過最抵玩,肯定係紀念品售賣,我呀,咁辛苦,都由台北運三支汽水番香港,就係咁:

以上一套三支,只係七十九蚊台幣,真係平到笑,又咁靚,點會唔即刻買呀!

好,介紹一樣你地可以去既,十二樓有幾間餐廳,除左日本來台開既勝博殿炸豬扒之外,某日台灣朋友與我及朋友於該層一間叫發現越的餐廳進膳,實在抵食又好食!首先該店有三人套餐,你睇睇個套餐有幾多野食:

成Jar橙汁送既,唔係三杯,係成Jar放係度任你斟,當然無添飲。

涼伴魴魚,非常泰國酸酸辣辣,味道絕對唔錯,魚肉有咬口,好食!

扎肉炒高麗菜,無驚喜亦唔難食。

係,白飯,係任添!仲可以加!

椒麻雞,台灣朋友指定要點,果然好惹味,雞亦炸得好好,唔油膩!

呢個蔗蝦要讚:首先無諗過套餐份量咁多,其次當中既甘蔗,係多汁新鮮而唔係行貨,所以,好掂!

西貢烤肉,好食既,但不及之前的驚喜。

越式魚酸湯,好大窩,好好飲好開胃!

以上所有,一千三百五十元台幣,坐得舒服,味道又好唔錯,絕對是台北開餐好選擇!

食飽飯落黎仲要見到佢:


夠唔夠歡樂先? 

Related Posts Plugin for WordPress, Blogger...
引用(0) | 話題(旅遊)