香港新浪網 MySinaBlog
« 上一篇 | 下一篇 »
AlexBB | 19th Nov 2011 | All About Dining | (1174 Reads)
和民,通常好多人等位,不過九龍灣分店較易有位坐。價錢呢?不算貴,但食物份量不大,呢樣果樣係咁叫條數都幾勁,不過最近去食,如果有DBS/Compass信用咭,二人套餐就極抵食!

我話你知,係大件夾抵食,你無諗過埋單唔駛三百,食到咁多野:

石窩海鮮飯(可選石窩黑椒牛肉飯),唔駛我介紹,睇相都見到好得,而且仲有飯焦!不過建議問佢囉多少少豉油,因為佢都幾孤寒。

兩杯飲品有好多選擇:青柑綠茶/紅茶/梳打/可樂,梅酒,梅酒梳打。我極推介青柑,因為唔多地方有得飲。

溫泉蛋凱撒沙律,個Sauce得,整個配套好食,而且夠大份,出奇啊!

炸雞軟骨,掂!因為唔算油膩又有咬口又唔會無肉食,加檸檬汁就一絕喇!另可選炸魷魚軟骨,乜黎架呢?

和風Pizza,有叉燒及照燒雞,薄薄而且脆口香口,加沙律醬,極好食!




豆乳相撲火鍋加送烏冬,好認真好多料,成壺豆乳湯底,又蜆又雞肉又魚又豆腐又腐皮,好豐富!

雞肉串,無乜特別,亦唔失望。

以上咁多樣,HK$223,若果你醒目少少,即場d/l compass app,有coupon可以減十蚊或者送多杯青柑可樂。

另外有特價美食:

意大利薄切鮭魚,二十二蚊,太咸,唔推介。

日本產蕃薯南瓜天婦羅,二十一蚊,極掂,推介!

咁食法,埋單唔駛三百,你話係咪抵先!

 

 

 

 

Related Posts Plugin for WordPress, Blogger...