最近三聯書店大減價，而且折實價買滿二百之後用現金付款再有九五析，終於我又出動了！
未介紹我今次在三聯敗了什麼之前，先介紹買落未睇的兩本書：
左手邊這本是小克最新作品《偽科學鑑證４之愛令我變碳》，不用多介紹，識貨喜歡聾貓維港巨星等朋友自然識得買，不認識他的，可以介紹他是近來有份填詞的一名漫畫家，阿臣那首Allegro就是他所填的。這本是最新出街的，一如以往，他的老友楊學德也同時推出了《標童童話４我恨我痴心》，不過我覺得他寫的不夠小克吸引，故上期開始也沒有買了。但是，他寫四格漫畫又好好笑的！所以早前某次到電影中心看戲前，買了右手邊這本他畫的《不軌劇場》，絕對是超低能無無聊那種，睇完會半夜無啦啦笑那種。
好，入正題。今次到三聯找的，是因為無線收費台終於重播完畢流行東京喇！我最愛的痴線主持人杜如風介紹東京真係勁好笑又勁好睇，既然遇上三聯減價，所以，一口氣，買晒兩本《風行東京》：
原本百五蚊，結果差唔多百二蚊，勁開心！
另外兩本，其實係咁：原本無打算再搵書買，因為以上兩本唔夠二百，於是再睇．．．好！這個是近期新愛上的：
王迪詩的《蘭開夏道》，鍾意睇佢寫野到題簡明不拖泥帶水，之前都有轉載過佢一篇文章，有朋友介紹，行過又發現，買埋！
結果以上四本，原本要三百廿六，結果二百六十三，抵抵抵！
三聯特價仲有三日，大家要買趁手喇！
黎個大合照先：
其實睇到呢度，我可以話俾大家知，我喜歡睇短篇，喜歡睇飲飲食食同旅遊書，長篇呢？嗯，除非唔知點解某一日睇開，可能會放唔到手既。
咦我仲有兩本卓韻芝都未睇晒添．．．
咦我好似要溫書架播！
