不如先睇歌詞，再聽歌：
富豪山下（原曲 富士山下）
填詞：愛花
流浪漢通處瞓街 山頂的你覺嗎？
可知他會一世沒法上樓嗎？
連地價都變天價 起好怎麼標價？
聽中產說今天供不了頭家
而大眾只會更差 薪水不夠刮沙
死都不夠錢葬墳場才害怕
如若有樓至肯嫁 彼此終必火化
的骰一格骨灰龕都要代價
＊ 誰都只想有間樓 靠工作未能讓我擁有
要擁有必先周身債供到吽
誰橋下每日浪遊？ 誰人為樓沒自由？
誰人憑詐騙買四座山都夠？
何解樓書跟廣告 假到極來自你虛構
政府卻管不到它那堆錯漏？
平民被當做壽頭 然而沒錢沒力還手
你話海景有 卻得那小罅水溝
佢仲要好臭＊
愚人節不會說穿 幾多錢買格磗
吹水癲價因法律罅有得捐
期望上車要點算？司長怎麼規勸？
「薪金比上供款的三倍合選」
如若我可以去選 普選應更快選
歸西都怕不兌現談談就算
仍望見商政家眷 通通勾結一串
供樓之旅應該比一世遙遠
Repeat ＊, ＊
你還嫌不夠
建縮細微型新樓
你問我點鬥？
＝＝＝＝＝＝＝＝＝＝＝＝＝＝＝＝＝＝＝＝
愛花 出 品．必屬 精 品
＝＝＝＝＝＝＝＝＝＝＝＝＝＝＝＝＝＝＝＝
呢首詞果真令香港人唏噓，再加埋呢個剪得咁抵死既MV，一絕。
當然，用得《好歌獻給你》呢個題，我，非常榮幸今次有機會獻唱呢首作品，自家趕時間錄製幾Take完成，希望無影響大家欣賞呢首歌。
咦？你有冇排隊買居屋呀？
