香港新浪網 MySinaBlog
« 上一篇 | 下一篇 »
AlexBB | 24th Jul 2009 | All About Leisure | (2097 Reads)
手信

講真,台灣食品依家香港都有得賣,只不過可能貴唔少;鳳梨酥我好幾年前去必買既Casamia已經變成過去,依家興買維格,不過次次去台灣都買鳳梨酥又實在悶;鐵蛋咩?香港大把,理你阿婆定阿公,去到淡水一樣無買,魚酥亦唔多會受歡迎。咁,最後點都要買野番香港,點算呢?

八仙果呢家野,其實最正都係當年係九份買,不過今次無可能去咁遠,於是,幫襯只此一家既李錦利:

 

 

一包包既切好,一百三十蚊台幣一包;成個未切既就睇重量,貴起上黎成千蚊台幣都有,不過佢呢度既八仙果真係好好,我買番香港麻麻一食就話喉嚨好舒服,乜都值番啦!

 

另外呢度有一樣野叫話梅粉,聽講台灣人用黎點生果食,我問老闆可唔可以囉黎沖水飲,佢話唔得,咁無法子啦,五十蚊台幣一大樽。但我誠意推介呢個芝麻軟糖,唔甜,而且勁香芝麻味,真係好好好好食。一百八十蚊一盒:

 

 

點去?龍山寺站三號出口一出向右U Turn向前行就見到。

黑橋牌就一定要買,今次買呢個烤茶味牛肉乾,同事大叫好,投訴我買得唔夠。真係好Juicy呢!

 

 

唔係食既有冇呢?有!我係紅樓發現呢款名信片:

 

 

佢將台灣經典建築物咁樣印法,你有心剪佢出黎係可以砌成立體紙模型,廿蚊台幣一張又有意思又好玩,唔錯架!

免費睇台北全景

話說食完火鍋知道仲有時間,囉住本旅遊書諗下點玩法,結果決定去呢度:台北市政府大樓!

搭捷運於板橋站落車,就可以直達:

 

 

 


 

呢度係台北政府重地,乜部門都係度,但廿九樓又有個免費觀景台。只要搭第十九號升降機就可以到達,不如睇相啦!

盡入眼簾呀朋友!唔駛錢播!你知唔知去101頂樓要俾錢架?不過咁,呢度就唔開得夜,聽講六點半就收工,之後俾唔俾入呢?我唔知呀!

四圍亂影,有以下收獲:

 

 

呢個用品叫SPA波動胸罩,宣傳句語係:太平公主的微笑,問題係:戴住會震咁勁,女士們,買唔買呢可?可以升級播!

 

 

呢個仲勁:種睫毛達人,你敢唔敢幫襯先?

 

 

日光日白,成幢樓都係老麥裝修,感覺怪怪的!

 

 

呢位術士,馬英九下屆會當選連任,好易估咋播!你不如話陳水扁全家邊個唔駛坐監好過啦!

 

 

有幾熱有幾好天氣,呢張相都可以反映一下!

 

 

宣傳城市有秩序係好,不過呢位模特真係...

 

 

話說我係往敦南誠品途中行地下街,發現呢個出口叫『平安鐘』好奇出黎睇下,哦!原來呢個就係平安鐘!

 

 

最後呢張:台北捷運最近推介Street Dance,由之奶依林做代言人,而我在不同的大捷運站內都見一大班年輕人跳舞,好健康,一丁點壞的感覺都沒有!

這,可能就是民風了。

下次再到台灣,希望到其他地方走走,不要再只在台北。宜蘭的民宿或者墾丁都不錯吧!