香港新浪網 MySinaBlog
« 上一篇 | 下一篇 »
AlexBB | 22nd Sep 2016 | All About Leisure, All About Dining | (418 Reads)
話說某年Unfriend大行其道之時,我的朋友也有出有入,其中認識了幾個中學師弟,當中這個嘛,很有趣地他在香港時住我附近,但一直沒有好好出來吃過一頓飯,倒是在附近碰上好幾次,結果,他回澳洲了。於是這次出差,就好好約他吃個飯吧!

他提議吃泰菜,結果找上這一家,位於Pitt Street的Mr. B's Hotel內的Yok Sod,是一家有三層的泰式餐館連酒吧。這頓飯,吃得開心,除了聊得開心之外,食物真的很不錯,很泰南風味,而且辣度十足。

首先每人點一碗泰式艇仔麵,我好恨食,因為望落而經吸引,肯定辣又香。

我點三隻辣椒配泰式公仔麵,師弟點一隻辣椒:


首先材料豐富:有炸雲吞,豬軟骨,魚蛋,豬肉丸,墨丸,紮肉,加上另外點既炸豬皮,好好好好味,但我呢個三隻辣椒好堅,我不斷出汗,不過又好食所以,食晒!


第一碟就泰式鳳爪,第二碟先至正:泰式豬雜!無野講架,個醬汁夠酸又辣,你自然食到停唔到口囉,當然材料新鮮無羶味啦!

呢個係我地讚不絕口既泰式炭烤牛舌,香口,切得夠薄,調味醬汁帶甜,真係好想再叫多碟!

我指定要食既辣肉碎,包生菜又好淨隊又好,都咁得,你見佢炒得岩岩收晒汁,有水準!

同場加映:另一家好近唐人街既,叫Do Dee Paidang,主打就係我好想食既泰式粉麵。某日下午茶,我走左入去,叫左碗細既:


酸辣海鮮粉絲,有魷魚,魚肉,大大隻蝦,今次叫一隻辣椒,好味又抵食,下次要再去先!
Related Posts Plugin for WordPress, Blogger...