可算是中文流行音樂歷史上其中一張做得不錯又有個人風格的重唱大碟，因為個人風格之餘又能夠交待每首歌的感覺，當然，這兩張照片很出色，而哥哥為每首歌所寫的真跡也是珍貴之處。
這是噴畫，加上熨金字體，這個封面Grand到不得了，而且是殺死人的眼神。這唱片嘛，最最最勁當然是鴨尾頭的側面－－無記那個一字排開加電單車既MV我仲記得，與及當年一聽就知道佢就黎唔唱既由零開始。
作為當年真係以為佢唔再唱既Final encounter，得呢兩張相，仲要咁細粒，真係幾搵笨！不過嘛，哥哥咁追求完美，睇怕佢都好鍾意呢個封面啦！此碟推介Side Cut：月正亮。
呢個演唱會我當然有睇啦！佢封咪果陣真係好唔開心架！呢兩盒Cassettes相唔多，但係美指真係靚絕，呢幾張相亦好有Mood有配合整體感覺，非常喜歡。
好，生還者盒帶介紹完畢，有兩樣前幾日摷到，貼出黎俾大家睇睇：
無記錯應該係當年電影出小說版，出版商送既名信片。個人都係覺得金枝玉葉第一集好睇過第二集。
呢個係乜？某年於某電台工作，佢地搵哥哥同憶蓮炮製十集廣播劇七年三日，推出咭片CD，內裡收錄廣播劇Teaser，都幾珍貴架！至今依然好唔高興：點解當時佢地黎錄劇，無人叫我落去睇架！！！！
我當然唔會只放隻CD出黎，入面條Soundbite都俾大家聽下，懷念一下哥哥：
今年大晒冷，以後仲有乜寫？放心，關於哥哥，要寫既大把啦！
哥哥，相信你繼續快樂，一直也是。
