其實另一因素係，我記得潮遊東京有一集介紹日本吉列豬，有一種係一片片薄薄豚肉卷埋再炸（佢果集話有廿五層），近又竟然又有，試下囉！
不如睇睇門口與及內裡裝修先：
真係唔多人，坐亦坐得舒服。點菜時發現本Menu非常精美（難怪最後果頁寫，囉走一本要六百八十蚊，BTW，有人偷架咩），而且詳細介紹食材與及醬料玩法，不過細心睇，佢從來無講過佢係日本邊間名店黎香港開。
點菜喇！侍應係非常有禮貌而且細心介紹檯面幾支調味料：除左豬扒醬汁之外，另外有兩枝係用黎撈椰菜既汁：一枝係蘋果柚子醋，另一枝好似係青瓜味。牆上亦貼有店子最Hit邊三款菜：
朋友選第三位：吉列香蔥黑豚定食，而我呢，就一定係千層，不過選紫蘇梅。
無錯，呢方面比較差，芝麻已經磨左，仲唔多靚，無得玩，扣分。不如先睇朋友食果個先：
一上檯，賣相一流，將果枝醬汁倒落香蔥上面，試一件，嗯，真係豬有豬味，好香好鮮，好食過豚組呀！
專登整個Close-up睇下橫切面，正！另外當然有麵豉湯與及白飯，而當然例牌地飯同椰菜係任食啦！睇下個湯，好唔錯架！有豬肉仲有蒟蒻！
好喇！到我果個出場：
係咪見到好多層呀？唔清楚？俾多張你睇：
一食，我必須承認，係鬆化，不過論豬味，肯定係朋友果個出色得多；另外呢，睇日本果ｄ如果中間有料，即係我所選既紫蘇梅醬，係全塊八件都有既，佢就差ｄ，只有中間四件先有，不過係幾好食就真。
佢有一樣好玩就係可以自選套餐：揀完豬扒再揀樣海鮮另外有沙律飯同甜品跟，都係一百四十八，呢個其實岩晒心多多既朋友；女士又有個Light既套餐，都唔錯。
話說侍應態度一路好好，臨叫埋單果位侍應妹妹仲問我地覺得食物點樣（相信係指定台詞），我亦告知我既意見。點知呢位妹妹轉頭囉張單黎，好似變左另一個人，黑面，接近掟張單埋黎，我同朋友以為佢撞鬼。之後又好有禮貌講多謝，好邪。
首次試食覺得真係唔錯，而且花款多又可以自己砌套餐，趁佢仲未多人光顧可以去食，因為都同豚組價錢差唔多，唔駛特登過黎香港丫！
近又，朗豪坊十一樓十三號舖。
