－謝安琪最近曝光多得令人擔心，然後聽到第二Plug世紀之歌，對唔住，真係悶到我聽唔晒，亦可算謝安琪出道以來至悶歌曲。跟住知道其新碟話咁快呢個星期出街，一睇曲目，暈左：十首歌，竟然有囍帖街國語版，最最最驚係最後一Cut：開卷快樂，下？隻碟未推出，我唔敢講，不過真係未出碟幾失望。然後見周博賢先生係佢Blog有呢一篇，嗯，謝安琪今次真係俾人玩？
－講完阿Kay講容祖，全新派台歌搜神記係帶小調感覺情歌，聽落好舒服，不過唔似係一首新碟派台歌，有冇人知係乜野家伙？
－講完兩位疑似現今樂壇一姐，講下ｄ真係阿姐：汪阿姐為佢舞台劇派新歌阿姐，百老匯歌劇曲式，歌詞由杜國威先生主理，嗯，只能夠講阿姐唱得比預期好；另外尹光先生為演唱會派台既爆金爛其實係將佢以往果ｄ港式平民歌Remade全新填詞，不過有冇人知呢個歌名乜意思？
－陳奕迅先生全新大碟H3M應該呢個月出街，全新歌七百年後我係於Youtube聽－－多得有心人將歌曲配上Wall E歌詞，好感動啊！
－究竟邊個咁大整古？係咪嫌香港樂壇唔夠死？繼係華星演唱會聽到任賢齊唱廣東歌之後，我岩岩呢個星期食飯聽到佢唱廣東歌，朋友你變了沒有？，我聽到有想死既感覺。好，我上Moov聽多一次，知多一件事：林一峰曲詞編監之下既作品就俾佢咁樣浪費左，救命呀！！！！！
－同期另一首一峰全包辦作品係328全球熄燈一小時主題曲Light Up Your Dreams，好正，好有最最最初一峰最舒服最單純感覺。328晚上830，你熄唔熄燈先？
－古巨基繼Guitar Fever之後應該係Strings，首支派台歌係以你為榮，雷頌德作品林夕填詞，以流行曲黎講，合格，但無好好利用Strings，唔夠突出。
－最近大熱作曲家除左方大同肯定係Christopher Chak，富士山下鍾無艷之後，世紀之歌加披星戴月，前者平淡，後者越聽越有感覺，好有大熱歌格。
－徐徐徐子珊小姐出碟！第一支派台歌係快歌讀心術，快歌嘛，加強勁節奏加Mixing可以聽唔到佢唱成點，但係，竟然都聽得出兩樣野：英文咬字好怪，唱得好勉強。
－月底再見，承諾阿Kay新碟推出盡快寫，因為，真係呢．．．
