未讀下去之前先留意我選的分類：對，這次不是談愛情。因為我覺得這些年紀有差距的戀愛沒有什麼好談論，總之都是一種愛，如果他們認真去愛的話。
同時，我亦不是當娛樂新聞去談論：這些話題任何一本創作性娛樂雜誌自然會大造文章，要幾衰寫到幾衰要幾賤寫到幾賤，不值一提。要提的，就是那位女主角身邊的兩個男人。
聽聞她是一名有錢人的三奶，對嗎？那名有錢人為何會在報紙出現而樣貌又被打格仔的呢？奇怪的是他竟然寫信去無線投訴其藝員此等行為影響電視台形象，噢，很爆笑！
她是你的三奶，她跟你生了一個女兒。你不是S Ho博士，你的二三四奶不見光亦不風光的，你有什麼資格出來管她現在與另一男人相愛呢？是不是介意自己的三奶多了一個二公，很複雜很無面子嗎？嗯，對對對，歸根究底都是面子：「我之前在朋友面前幾勁，擺到明有幾房人威到盡，家陣個衰婆走去勾佬，我仲有面見人既！」
面係人地俾，架係自己丟，你管唔掂個女人，就算鬼數啦，仲走出黎做埋ｄ更加落自己面既事，你話係咪瘀上加瘀？咁唔高興的話，好似無線劇集咁，搵人招呼下呢位發發港男囉！你無咁有米咁大勢力？噢，咁，做乜學人咁多頭住家又要走出黎扮晒野呀？
不過至核突，一定係女主角老豆！
我從來未見過一個老豆會鼓勵個女繼續做人三奶！道德層面上已經不知所謂，更過份係向報紙雜誌爆料擺個女上檯，話個女有好多男朋友，話個女向富商認錯。你呢ｄ真係唔知乜野老豆，驚個女俾人呃？你個女唔係俾人呃左做三奶喇咩？你個女有乜野俾人呃先？定係驚個女醒番喇，唔做人三奶喇，你無錢駛呀？
兩個成年人話要拍拖談戀愛，你呢個老豆死出黎做埋ｄ咁丟架既事，仲話自己為個女好？真係唔知個醜字點寫。
至於兩位當事人，係咪真愛係咪行到落去時間就係答案，周邊呢類是是非非，睇怕佢地都唔係好介意。不過都好，等大家再上多一課，知道邊ｄ人為錢連個女都唔放過，又有邊ｄ人為面可以做出呢類咁婆媽既事。
邊個話珠光寶氣唔真實架？
[1]
[3]
[4] Re: Hana
[5] Re: 小四
[6] Re: Orange
[8] Re: clark
[9]
[10] Re: 小勒
