其實，作為女性的讀者們，你們對於這些抽水事件有什麼感覺呢？我聽得多的是男士話自己識睇掌相而識女仔，繼而拿著女仔隻手睇餐飽；變魔術可以抽水？我果真孤陋寡聞。
芳芳姐時常教我們，遇上侵犯要大聲嗌唔好，仲要講俾你信任既人知道。娛樂圈的女士們，遇上侵犯，又會否啞忍呢？通常情況都是要計算的：出手果位係咪有勢力，影響我日後發圍機會呢？我呢類二打六，講出黎有冇人信呢？又或者多一事不如少一事，下次再係咁先算？
我不是女性，我不知道是否真正被抽水會知道的，不過我相信也應該心中有數，除了有某些比較過份敏感之外。所以，遇上第一次，就算不出聲，都應該對相關人等有所防範。
那麼，精明的讀者們，你地覺得誰是真兇呢？
我不知道，但憑過往這類雜誌集中火力暗示某某的玩法，原因只有兩個：一）佢真係真兇，但鑑於無證據無人企出黎攪大件事，唯有玩影射；二）唔知佢係唔係，不過人煲我又煲，佢唔好彩囉。
其實現時都不會有人說：娛樂圈好多壞人，女仔好容易蝕底。根本壞人周圍都係，女仔男仔唔醒目，點止蝕底咁簡單？
至於邊個係邊個唔係，其實都唔多關我地事，又係果句：你覺得佢係，因為佢之前個底花晒，你會信係佢。所以，做娛樂圈嘛，個底花左，係蝕底好多。
不過有點意料之外的就是：通常遇上此等熱話，一定有不少二打六走出來發表自己曾經疑似被人抽水的經驗，這次嘛，比想象中少。
無線的處理？由苑瓊丹子見完樂小姐話無講過係無線藝員與及呢位真兇已經無係娛樂圈，你已經知道，息事寧人係無線做法，一眾花旦亦唔會走出黎加鹽加醋，唔想紅咩！
所以，另一個比較就係：同一事件在亞視發生，點解九成九會被鬧大成為家醜呢？亞視管理藝人方面未必欠缺技巧，但在一個細台，要出位要有Noise，唯有靠自己囉，明無？
咸豬手，都係要黎食好。
