現場有幾多隻貓我也數不清，牠們品種不同，但有個特質就是任摸唔嬲，不過坦白講，當晚給我最深刻印象是牠們並不快樂，為何呢？因為牠們被客人騷擾，貓愛自由又有性格，牠們已經被困到被摸而不願意，會面壁不睬人。不如看看牠們的照片：
咦？原來有七隻，唔知有無影漏呢？最後果張相遠處有個超級百厭星，父母更加不知所謂，由得這個百厭星不斷拿著開了閃光燈的相機去影貓貓，我很想媽叉佢地！
地方淺窄，不過很Warm！不如看看幾張現場實景照片：
百五蚊有乜食？先來兩個小食，有點失望：其中一個係蜜糖腸仔魚蛋墨魚丸，好似你去燒野食既製成品，另一樣係烤雞翼，可以啦！然後有三文魚沙律，汁太酸，麻麻地。
之後三大盤熱葷就唔同喇！先有日式咖喱焗飯，又有芝士焗天使麵，仲有日式炒烏冬，三樣都好好味份量夠，滿足晒！
點解無相？班友太餓，一放低都俾人破壞，仲影黎做乜鬼丫！不如睇睇我果杯好靚既特飲，唔好問我個名，總知香桃乜乜貓：
仲有甜品！呢個係驚喜，睇下你地估唔估到係乜先：
每人一杯仔藍莓慕絲，好好味！另外，我地帶酒黎飲佢地無收開瓶費，Feels Like Home！
大家都玩得好開心，其實夜晚Walk In食飯都好唔錯，好似有時星期五晚仲有人睇塔羅牌，你地可以打去問問。
好想再去，因為好掛住貓貓們，佢地真係好可愛！
