WHAT TO SAY?
新年快樂！非常開心完成零八年想寫碟評，同時亦寫了全年個人總結。新一年我應該會換換形式，不會這樣寫了：時間是一大因素，另外根本沒有聽過很多歌就去推介不太好，可能一個月一次吧！讓我想想。
除夕怎樣過呢？大傷風的我當然在家中看電視，看著台灣跨年倒數音樂會，太精彩了：蘇打綠陳綺貞盧廣仲SHE梁靜茹蕭敬騰張惠妹五月天等等，這樣陣容，不止唱自己的歌，全場站滿民眾，興奮到不得了，精彩就當然啦！相比香港．．嗯．．．
港台頒獎禮準則繼續令人不明所以：方大同係全國最佳男歌手五強但入唔到優秀流行歌手十強，劉德華點解又有？Twins今年做過乜？點解仲可以係全國最佳組合六強？係咪夾硬要等阿Sa有鏡出？小酒窩係全國最佳中文歌曲五強？呢首歌有幾受歡迎幾最佳呢？
有雜誌今期封面寫陳奕迅覺得出席新城頒獎禮徙時間下年唔會再去，係咪先？係就真係天大喜訊喇！佢著睡衣到場都知佢對個電台有幾尊重啦！
強烈建議胡杏兒棄影從歌，聽過佢隻碟聽過佢唱Live，真係好唔錯，把聲仲一聽認得出添！
見到左麟右李演唱會宣傳海報真係好得人驚：尹光咩你估！仲有，尋晚無線聽佢地唱首新歌，求神拜佛李克勤新碟唔好收錄，唔係我會慎重考慮唔買呢隻碟。
MY TOP 10 CHOICES
01 甜蜜蜜 薛凱琪
(曲/編:方大同 詞:黃偉文 監:方大同/崔炎德)
－甜到漏殺死人，Melody又好聽編曲又正又有懷舊味道，阿Fi唱親大同既作品特別好，超掂！
02 突然好想你 五月天
(曲/詞:阿信@五月天 編:五月天/周恆毅 監:五月天)
－尋晚聽過現場版本，突然勾起好多好多回憶，一首其實幾濫情基本情歌，但著實打動我。
03 Everything 王力宏
(曲/編/監:王力宏 詞:王力宏/小寒)
－可以話係Forever Love之後另一首一聽就得左、王力宏招牌式盪氣迴腸式情歌，I'm loving it.
04 美空雲雀 何韻詩
(曲/編:陳奐仁FOR THE INVISIBLE MEN/何秉舜@GOOMUSIC 詞:黃偉文 監:hocc@GOOMUSIC/陳奐仁FOR THE INVISIBLE MEN/何秉舜@GOOMUSIC)
－預計阿詩係剩低兩個頒獎禮成績都唔會點突出，但唔緊要，佢呢張碟，呢隻歌，真係超級令人喜歡。
05 如果愛 方大同
(曲:方大同 詞:方大同/徐若瑄 監:方大同/Edward Chan/Charles Lee)
－恭喜Khalil叱吒好歌有好報個人實力贏開巷，不出三年，佢將會係真真正正亞太區最受歡迎香港男歌手。
06 港女的幸福星期日 謝安琪
(曲/編/監:Eric Kwok 詞:黃偉文)
－最幸福莫過於，獲得至尊金曲之時，轉身，跟老公抱抱。謝安琪今日頒獎禮說話大方得體非常有大將之風，而且唱得亦不錯，實至名歸！
07 今夕是何年 李克勤
(曲:方大同 詞:林若寧 編:馮翰銘 監:Alvin Leong)
－重申一句：我對於呢首同之前派台她慈我悲，再加上創作陣容，係絕對令我想買佢新碟，唔好，唔好落無謂歌！
08 最幸福的事 梁文音
(曲:劉宜 詞:馬嵩惟 編:林於賢 監:阿弟仔)
－星光二班第二名，唱得就梗，首張大碟打穩陣牌亦無可厚非，所以有呢首，台式苦情歌，有點梁靜茹影子，但唱得好好聽。
09 花不痛 古巨基
(曲:蔡健雅 詞:林夕 編/監:雷頌德)
－回歸最基本最舒服既古巨基，多謝林夕一份好詞，多謝蔡健雅簡簡單單的好旋律。
10 黑色禮服 蘇永康
(曲:Dick Lee 詞:黃偉文 編:Ted Lo 監:雷頌德)
－終於聽過佢新碟，唔錯唔錯，唱得好又重拾新藝寶年代果種Soul味，呢首係越聽越有味道。
MY RECOMMENDATION
都係聽緊果幾隻，仲有王力宏新碟都好唔錯，期待本月推出王若琳新碟與及月底推出陳綺貞新碟。
MY RETRO RECOMMENDATION
天氣好凍，傷風感冒的我想起這首歌，一九九二年的作品：
劉文娟小姐個人發展其中一首好歌，希望大家身體健康！
