香港新浪網 MySinaBlog
« 上一篇 | 下一篇 »
AlexBB | 9th Jul 2016 | All About Dining | (461 Reads)
行程最後一日,由於之前舊同事介紹附近有一家水準好唔錯日本餐廳,確定有飛機來貨先營業,於是碰碰運氣早一晚在網上訂位。然後然後,這邊公司的阿姐想找我一起吃飯,那我就試試可以多訂一位,幸好成功了。

這家叫Oribe Sushi壽司織部,午市有四種套餐,價錢由RM128至250,你亦可選擇午市Omakase,RM350起。非常幸運,我們被安排由Head Chef折村秀明師傅招待,獲得一次無論吃與看都很高水平的午膳經驗。

套餐餐牌是這樣的:

(自己按圖放大啦乖)

咁咁咁,開餐前是這樣的,重點是,呢個薑好好食,而師傅係切得好高技巧 

我就點左呢個Mino,前菜,茶碗蒸,特上壽司十三件,卷物,椀物,甜品:

前菜,胡麻醬沙律配上鮮蟹鉗,簡簡單單但材料有水準,而且我非常喜歡此店餐具。之後呢,我果十三件壽司逐一出場,師傅之前問左有乜唔食,然後逐件介紹,都唔駛再點豉油,而且佢地鼓勵你跟足傳統用手食。





樓上呢件要介紹:醋鮪魚上放左一片好薄好薄既醬油昆布,第一次咁食,好得意味道又好配合播!繼續!





第十件,灸左口魚邊,一放入口自動融化,無得彈!未介紹壓軸第十一件之前,茶碗蒸出場:


呢個碗好靚!而呢個水準好高,果隻香滑係做得剛剛好。

第十一件,基本上係高級迷你壽司飯:三文魚籽,免治拖羅,海膽,甜蝦,睇住佢整已經流晒口水啦!

麵豉湯味道好好,偏向簡單,而飲得出麵豉香與及蔥香。

呢件係最後送上既醃蘿蔔,好失禮地以為係魚囉去點豉油,呢件師傅好認真唔知邊度囉出黎再切再俾我地食架。

最後,自製柚子雪芭,好清香充滿果味,讓人非常滿足。

提提大家,此店唔好搏Walk in,舖頭只有四十個位,最好想食之前上面書睇睇再用面書提供方法訂位。我公司當地阿姐食完讚不絕口,話佢都唔知呢間舖頭,多得我帶佢食好野。

Related Posts Plugin for WordPress, Blogger...