未開始寫之前，麻煩呢位仁兄抖完盡快出山，我等樂迷熱切期待你對中文流行音樂獨到與有心的音樂推介分享，多謝。

好久不見，市面有很多唱片推出，但你都唔係好明點解佢地推出：有應該係農曆七月推出紙紮公仔餵你食冷麵，有出極都有得出但係你講唔出佢有乜野新歌既魚米高國語碟，有一男一女新人講完名你知你會問:黃鎧晴同狄易達係邊位？仲有，乜野叫潛水鐘與蝴蝶？我真係見到有呢隻碟播！呢個我識！Freeze嘛！佢地ｄ快歌幾過癮架播．．．

兩位久休復出男歌手分別派上全新國語歌：Get Together你地覺得呢個歌名配合邊位歌手？我第一時間諗起張如城，但一聽，原來係張智霖，首歌仲要好悶；謝霆鋒有歌喇，可以，可以嗎？弊！仲悶過十年前台式情歌，點算呀！

以前年底有歌手失驚無神派首歌搶獎，通常高水準流行度極高，今年，張敬軒曝光似陳奕迅快歌，關心妍他不愛我亦不愛你可算係佢近年至悶一首派台歌，林公子Try Our Best無Gimmick又唔語癮，唉，唔通佢地見孫耀威果首咁都囉到商台冠軍又試下？

想講講Kary暫借問：前段好，Chorus唱得好急好速，好似同佢以往一唱好密歌詞既歌犯上同一毛病，太急到有點刺耳。

再問一條問條：Celine Jade係邊位？點解用Rock翻唱一首葉蒨文至悶既曾經心痛呢？

MY TOP 10 CHOICES

01 今夕是何年 李克勤
(曲:方大同 詞:林若寧 編:馮翰銘 監:Alvin Leong)
－好聽！舒服！不過方大同真係寫左首好高難度既俾克勤，高音位唔易唱，難得克勤唱得好鬆好從容，期待佢新碟！

02 如果愛 方大同
(曲/編:方大同 詞:方大同/徐若瑄 監:方大同/Edward Chan/Charles Lee）
－商台唔好再玩野，呢隻歌遲人一排先上榜，又玩人間蒸發壓人播放率！

03 私隱線 謝安琪
(曲/詞/編/監:周博賢)
－同上，十字架商台封殺，呢首都殺的話，強烈建議阿Kay杯葛叱吒。

04 我要如何不想他 蔡琴
(曲/編/監:梁翹柏 詞:李焯雄)
－第一次聽係某一日無線收費台新不了情劇集片尾歌，已經喜歡；買唱片番黎越聽越鍾意，不如你都聽聽，咁你會發現，蔡琴小姐聲音魔力何在。

05 木槿花 袁泉

(曲:Eisho Higa、Yasukatsu Ohshima 詞:姚謙 編:林依霖 監:王爺斯禹)
－Short stay來到沖繩，改了一首沖繩民謠。『我們都一樣　都在原來地方　記憶著那愛情　來過的芬芳』我記得，那些海浪聲。

06 寫得太多(獨唱版) 麥浚龍
(曲:倫永亮 詞:周耀輝 編:Johnny Yim 監:金培達)
－合唱版不得我歡心，在唱片聽到獨唱版，被感動了，沒有流行曲應有的編曲格局，簡單點，更好聽。

07 Sunrises 順子
(曲:順子 詞/監:彭莒欣 編:Jakub Groos)
－不為什麼，只因為順子終於回來，我想說，英文版順子唱得更精彩。

08 多愁善感 王菀之
(曲:王菀之 詞:林夕 編:謝浩文 監:馮翰鉻)
－教人面對抑鬱，Ivana呢個唱法就比較壓迫一d，感覺係叫醒你唔好再鬱落去咁。

09 鑽禧 關淑怡
(曲/編/監:趙增熹 詞:林夕)
－越聽越覺得有型，雖然個MV就．．．點講呢，搵拉丁舞王係咁跳，唔係好配合囉。

10 離別曲 陳珊妮
(曲:Chopin 詞/監:陳珊妮 編:羅恩妮)
－電子搗滾加古典樂再加流行到不能的SHE的Hebe，陳珊妮可以玩到咁有型咁典雅，好掂！同彭靖惠幾年前改編充滿歐陸浪漫既玫瑰色的七四七各具特色，同樣喜愛。

MY RECOMMENDATION

首先推介大串燒四，呢隻好多歌都未有出CD版，又或者少見，當中志美姨既跳舞街另一版本勁之夜Remix已經夠頂癮，仲有Wow Wow Wow既李麗蕊Sara Medley，幾開心都有呀！

另外蔡琴不悔大碟好，不過金聲演奏廳更好；Juno新碟好聽，我會寫寫，順子全新單曲Single Sunrises五十蚊兩隻歌一首音樂都值得買，不過呢期至愛肯定係陳珊妮如果有一件事是重要的，興奮到我唔知識唔識介紹。

MY RETRO RECOMMENDATION

不如唔介紹乜野歌邊個唱，你地俾個面聽左先：