香港新浪網 MySinaBlog
« 上一篇 | 下一篇 »
AlexBB | 9th May 2016 | All About Music | (760 Reads)
又講黎明:其實想聽黎生好歌,我會推介寶記年代雷頌德先生主理既《Leon Sound》,一張曲詞編唱都好唔錯而且商業與創意並重既廣東唱片。咁,黎生話會出Live仲話會係面書賣,咁得意大家不妨留意下。

好,講唱片,都無乜唱片講,但我未寫AGA佢話出第二版送七隻demo,呢樣真係好老土,而佢隻碟的確幾好聽;同公司既Gin隻碟就弊喇,悶,悶過舊唱片公司任何一張碟。兩張我都會寫寫聽後感既。

好,介紹幾首覺得唔錯既歌:

龍小菌硬仗:ViuTV有部份節目有歌,呢首龍小菌親自作曲填詞,我之前對佢既歌完全無印象,呢首好驚喜既係原來咁Rock得,仲要Chorus好入腦,非常醒神!

黃劍文我們的:電視劇好喜歡,呢首歌更加要推介:一首好唱入心既Acoustic作品,歌詞將情人之間既相互關係用最貼近方法寫出,iTune已購入。

麥浚龍feat.盧凱彤如髮:前段普通,後段好精彩,特別係Ellen獨唱果段,如果有Ellen獨唱版就正喇!

李榮浩流行歌曲:唱片其中一首好喜歡好易聽既作品,而呢個mv亦拍得有心,聽聽下你就識唱。

A-Lin迷霧:究竟幾時先出碟?呢首係少有佢唱中低音既作品,好有味道,旋律節奏偏慢,絕對靠佢把聲吸引住,所以,佢真係唱得好好。

鄭欣宜女神:係呀又係佢,上個月係歌詞版,呢個MV太好喇,無理由唔介紹多次。聽講月中出碟喇,必買呀!
Related Posts Plugin for WordPress, Blogger...