香港新浪網 MySinaBlog
« 上一篇 | 下一篇 »
AlexBB | 26th Aug 2008 | All About Dining | (1569 Reads)
我等蝗蟲兵團很久沒有出動了!是夜借幾位團友生日,我們再一次攻陷蓮香樓。用上『攻陷』兩字沒有誇張,我們一行十三人男女各半,吃了個半小時,可以用風捲殘雲來形容這晚的情況,但是,我們一直吃得很有儀態而不失斯文的!

不如,就由這個筷子座開始吧!

我們只是預先點了冬瓜盅,百寶鴨,西米焗布甸與及蓮蓉包,之後到場才是想吃什麼就點什麼。我也懶得介紹,不如我順序貼出與及係咁易介紹一下我們吃了什麼吧!(圖片太多,想睇大相自己Click啦!)
1/ 蓮香靚叉燒
2/鹵味
3/冬瓜盅
4/海哲拼貴妃雞
5/釀豆腐
6/百花釀魚肚
7/百寶鴨
8/陳皮牛肉餅
9/炆斑翅
10/蝦醬蒸肉根
11/鬼馬牛肉
12/梅子蒸排骨

咦?係咁貼相似乎有點懶,中場讓我講講是次情況。我們繼續秉承係「咁叫唔加大話咁快又食晒」的精神,所以是次新參與我們蝗蟲兵團的朋友都應該啞口無言,又或者樂在其中。當中還有不能不提差不多專責對付我們的侍應叔叔,他的好態度著實讓我們這班七月十四放出來的餓鬼有賓至如歸的感覺。反而部長伯伯好像不大滿意我們這班豪客,呵呵!

好吃的是今晚的食物味道偏淡,讓我們吃得很高興。高興就很快吃完,然後又出動再叫。好,看看下半場我們吃了些什麼:
13/鮮蝦荷葉飯
14/椒鹽鱔球
15/椒絲腐乳通菜
16/麵醬炒唐生菜
17/煎藕餅
18/菜圃肉碎炒蛋
19/蘿蔔牛筋腩煲
20/炸蟹鉗

是否流口水中?期間有一名女士不斷急Call其趕往蓮香的老公快快手,另一邊又要幫老公留食物,很是狼狽!還有,第二十位的蟹鉗,根本沒有落過檯,已經只剩吉碟乙隻。

好,記得我提過,我們吃了約個半小時嗎?你猜我們最後吃了幾多碟呢?仲難玩過估金牌數目呀!不如睇睇落單咭先啦!

都係無乜眉目?不如繼續數落去啦!
21/例湯:花生雞腳眉豆湯
22/粟米魚肚羹
23/海哲拼牛展 & 24/再黎叉燒
25/酥炸軟殼蟹

係咪好得人驚?!未完播,仲有甜品!
26/西米焗布甸
同場加映侍應叔叔細心分布甸給我們
27/蛋黃蓮蓉包
28/海帶綠豆沙(酒樓送)

數完!好意頭,廿八味,由頭好食到尾!更加好係,咁食法,埋單都唔駛二千五,抵到你唔信!有個部長見我地走,講左句:「下次見,再黎破紀錄呀你地!」你睇,我地幾咁受歡迎!

基於我們要延續We Are Hungry精神,公主竟然提議上荷里活道飲蔗汁!呵!怕你呀!


留意呢張歷史久遠廣告畫,中間果位似唔似黎老明?

你睇大家飲得幾高興!又凍又清甜,正呀!

是次蝗蟲行動空前成功,下一團,已經有眉目,完成後再同大家報導!